Мемлекет басшысы Руслан Жақсылықовты қызметінен босатты.
Президент Қасым-Жомарт Тоқаевтың жарлығымен Дәурен Қосанов қорғаныс министрі болып тағайындалды.
Тағайындаудан кейін мемлекет басшысы жаңа қорғаныс министрі Дәурен Қосановты қабылдады.
Кездесуде мемлекет басшысы армияның жауынгерлік дайындығын нығайту, басқару жүйесіне цифрлық шешімдерді енгізу, Арнайы операциялар күштерінің мүмкіндігін кеңейту, әлеуметтік және идеологиялық жұмыстың тиімділігін арттыру, сондай-ақ әскери инфрақұрылымды жаңғырту бойынша нақты міндеттер жүктеді.
Сондай-ақ, бүгін мемлекет басшысының Жарлығымен Марат Қарабаев көлік министрі лауазымынан босатылды.
