Ақтауда нөсер жаңбырдан кейін қала көшелерін су басты
Бұл туралы Caravan.kz медиа порталы Azattyq ruhy-на сілтеме жасап хабарлайды.
Қалалық әкімдіктің мәліметінше, коммуналдық қызметтер 430 текше метрге жуық жаңбыр суын сорып шығарған.
Қай жерлерді су басты?
Су басу жағдайлары келесі аумақтарда тіркелді:
- №24 және №31 автомобиль жолдарының қиылысы
- 16-ықшам аудандағы «Инара» тұрғын үй кешені маңы
- 31б және 32б ықшам аудандары арасы
- №29 автожол бойындағы «Хазар» базары аумағы
- «Сары базар» маңы
Қанша техника мен маман жұмылдырылды?
- 9 маман
- 1 арнайы техника
- 5 мотопомпа
- Сорғы құрылғылары мен бойлер
Қазір де жаңбыр суын сору жұмыстары жалғасып жатыр. Мамандар қауіпті аймақтарды бақылауда ұстап отыр.
«Су сору жұмыстары әлі де жалғасып жатыр. Арнайы техникамен тұрғындарға кедергі келтірмеу үшін жұмыстар түнгі уақытта да жалғасады», – делінген әкімдік хабарламасында.
