Синоптиктер 8 маусымда қолайсыз ауа райына байланысты Астана мен 17 өңірде дауылды ескерту жариялады, деп хабарлайды Zakon.kz "Қазгидромет" РМК-ның баспасөз қызметіне іслтеме жасап.
Қызылорда облысының солтүстігінде, орталығында найзағай ойнап, шаңды дауыл тұрады деп күтіледі. Облыстың солтүстігінде, орталығында солтүстік-батыстан жел соғады, екпіні — 15-20 м/с. Төтенше өрт қаупі сақталады. Қызылордада 8 маусымда күндіз шаңды дауыл тұрады, күндіз солтүстік-батыстан соққан желдің екпіні 15-20 м/с құрайды. Төтенше өрт қаупі сақталады.
Маңғыстау облысының батысында, солтүстігінде қатты жаңбыр жауып, найзағай ойнайды деп күтіледі. Облыс бойынша жоғары өрт қаупі, облыстың батысында, солтүстік-шығысында, орталығында төтенше өрт қаупі сақталады. Ақтауда 8 маусымда найзағай ойнап, күн райы бұзылады деп күтіледі. Төтенше өрт қаупі сақталады.
Жетісу облысының шығысында, орталығында, таулы аудандарында найзағай ойнап, күн райы бұзылады деп күтіледі. Облыстың солтүстігінде, шығысында оңтүстік-батыстан соққан желдің екпіні 15-20 м/с, күндіз кей тұста 23-28 м/с дейін жетеді. Облыстың басым бөлігінде жоғары өрт қаупі, солтүстікте, шығыста төтенше өрт қаупі сақталады. Талдықорғанда 8 маусымда түнде және таңертең найзағай ойнайды деп күтіледі.
Алматы облысының оңтүстігінде, таулы аудандарында найзағай ойнап, күн райы бұзылады деп күтіледі. Облыстың солтүстігінде, шығысында, таулы аудандарында оңтүстік-батыстан солтүстік-батысқа ойыса соққан желдің екпіні 15-20 м/с құрайды. Облыстың басым бөлігінде жоғары өрт қаупі, облыстың солтүстігінде, батысында төтенше өрт қаупі сақталады. Алматыда найзағай ойнап, солтүстік-батыстан жел соғады, найзағай кезіндегі екпіні — 15 м/с. Қонаевта да найзағай ойнап, солтүстік-батыстан жел соғады, найзағай кезіндегі екпіні — 15-20 м/с. Жоғары өрт қаупі сақталады.
Түнде Абай облысының оңтүстік-батысында найзағай ойнап, күн райы бұзылады деп күтіледі. Күндіз облыстың батысында, солтүстігінде, орталығында найзағай ойнайды, бұршақ түседі деп болжанады. Түнде облыстың оңтүстігінде, орталығында, күндіз облыстың батысында, солтүстігінде, орталығында оңтүстік-шығыстан оңтүстік-батысқа ойыса соққан желдің екпіні — 15-20 м/с. Күндіз облыс бойынша қатты ыстық болып, сынап бағаны 36 градусты көрсетеді. Облыстың солтүстігінде жоғары өрт қаупі, облыстың батысында, шығысында, орталығында жоғары өрт қаупі, облыстың оңтүстігінде төтенше өрт қаупі сақталады. Семейде 8 маусымда күндіз найзағай ойнап, оңтүстік-шығыстан оңтүстік-батысқа ойыса соққан желдің күндізгі екпіні — 15 м/с. Күндіз 35 градус қатты ыстық болады деп күтіледі.
Атырау облысының оңтүстігінде, шығысында найзағай ойнап, күн райы бұзылады деп күтіледі. Облыстың солтүстік-батысында, шығысында жоғары өрт қаупі, оңтүстігінде, батысында, солтүстігінде төтенше өрт қаупі сақталады. Атырауда найзағай ойнайды деп күтіледі. Төтенше өрт қаупі сақталады.
Таңертең және күндіз Шығыс Қазақстан облысының солтүстігінде, шығысында, оңтүстігінде найзағай ойнап, бұршақ түседі деп күтіледі. Таңертең және күндіз облыстың солтүстігінде, шығысында, оңтүстігінде оңтүстік-шығыстан оңтүстік-батысқа ойыса соққан желдің екпіні 15-20 м/с құрайды. Облыстың оңтүстік-батысында жоғары өрт қаупі күтіледі, облыстың батысында, оңтүстік-шығысында жоғары өрт қаупі сақталады. Өскеменде 8 маусымда күндіз найзағай ойнайды деп күтіледі.
Күндіз Батыс Қазақстан облысының оңтүстігінде, батысында найзағай ойнайды деп күтіледі. Күндіз облыстың оңтүстігінде, батысында солтүстік-шығыстан жел соғады, екпіні — 15-20 м/с. Облыс бойынша жоғары өрт қаупі сақталады, облыстың оңтүстік-шығысында төтенше өрт қаупі күтіледі.
Түнде Ұлытау облысының солтүстігінде найзағай ойнап, күндіз облыстың батысында, солтүстігінде, шығысында да найзағай жарқылдайды, бұршақ түсіп, дауыл тұрады деп күтіледі. Күндіз облыстың шығысында, оңтүстігінде, орталығында батыстан, оңтүстік-батыстан жел соғады, екпіні — 15–20 м/с. Облыс бойынша жоғары өрт қаупі, облыстың оңтүстігінде төтенше өрт қаупі сақталады. Жезқазғанда 8 маусымда күндіз найзағай ойнап, бұршақ түседі, батыстан, оңтүстік-батыстан жел соғады, күндізгі екпіні 15-18 м/с болады деп күтіледі. Жоғары өрт қаупі сақталады.
Астанада найзағай ойнап, күндіз қатты жаңбыр жауады, бұршақ түседі, дауыл тұрады деп күтіледі. Солтүстік-шығыстан жел соғады, екпіні — 15-18 м/с.
Түнде Ақмола облысының солтүстігінде, шығысында, оңтүстігінде, күндіз облыстың оңтүстігінде, шығысында қатты жаңбыр жауады, түнде және күндіз облыстың оңтүстігінде, шығысында найзағай ойнайды, бұршақ түседі, дауыл тұрады деп күтіледі. Түнде және таңертең облыстың оңтүстігінде, шығысында тұман түсуі мүмкін. Облыстың батысында, солтүстігінде, шығысында солүстік-шығыстан жел соғады, екпіні — 15-20 м/с. Облыстың батысында, оңтүстігінде, орталығында жоғары өрт қаупі сақталады. Көкшетауда 8 маусымда түнде найзағай ойнап, күн райы бұзылады деп күтіледі.
Ақтөбе облысының оңтүстігінде найзағай ойнайды, күндіз облыстың оңтүстігінде, батысында солтүстік-шығыстан, шығыстан соққан желдің екпіні 15-20 м/с құрайды. Облыс бойынша жоғары өрт қаупі, облыстың оңтүстік-шығысында, оңтүстігінде, батысында төтенше өрт қаупі сақталады. Ақтөбеде 8 маусымда жоғары өрт қаупі сақталады.
Күндіз Қарағанды облысының батысында, солтүстігінде, шығысында жаңбыр жауады, бұршақ түседі, дауыл тұрады деп күтіледі. Түнде облыстың батысында, солтүстігінде, күндіз облыстың батысында, солтүстігінде, шығысында найзағай ойнап, түнде және таңертең облыстың солтүстігінде тұман түсуі мүмкін. Оңтүстік-шығыстан оңтүстік-батысқа ойыса соққан желдің екпіні — 15–20 м/с. Облыс бойынша жоғары өрт қаупі сақталады. Қарағандыда күндіз найзағай ойнап, оңтүстік-шығыстан оңтүстік-батысқа ойыса соққан желдің екпіні 15–20 м/с құрайды.
Павлодар облысында найзағай ойнап, облыстың батысында, солтүстігінде, шығысында қатты жаңбыр жауады, күндіз бұршақ түсіп, дауыл тұрады деп күтіледі. Облыстың батысында, солтүстігінде, шығысында солтүстік-шығыстан жел соғады, екпіні — 15-20 м/с. Павлодар облысында жоғары өрт қаупі сақталады. Павлодарда найзағай ойнап, күндіз бұршақ түседі деп күтіледі. Жоғары өрт қаупі сақталады.
Қостанай облысының оңтүстігінде найзағай ойнап, күндіз бұршақ түседі деп күтіледі. Таңертең және күндіз облыстың шығысында, оңтүстігінде солтүстік-шығыстан жел соғады, екпіні — 15-20 м/с. Облыстың оңтүстік-шығысында, солтүстік-батысында, орталығында жоғары өрт қаупі, облыстың оңтүстігінде төтенше өрт қаупі сақталады. Қостанайда 8 маусымда жоғары өрт қаупі сақталады.
Солтүстік Қазақстан облысының оңтүстігінде, шығысында найзағай ойнап, күн райы бұзылады деп күтіледі. Облыстың батысында, оңтүстігінде, шығысында солтүстік-шығыстан жел соғады, екпіні — 15-20 м/с.
Жамбыл облысының таулы аудандарында найзағай ойнап, күн райы бұзылады деп күтіледі. Оңтүстік-батыстан жел соғады, облыстың таулы аудандарында соққан желдің екпіні 15-20 м/с дейін жетеді. Облыс бойынша төтенше өрт қаупі, облыстың солтүстігінде, оңтүстігінде, шығысында жоғары өрт қаупі сақталады. Таразда да 8 маусымда жоғары өрт қаупі сақталады.
Түркістан облысында оңтүстік-батыстан солтүстік-батысқа ойыса жел соғады, облыстың тау асуларында соққан желдің екпіні 15-20 м/с дейін жетеді. Облыстың орталығында жоғары өрт қаупі, солтүстігінде, батысында, оңтүстігінде, тау бөктерлі аудандарында төтенше өрт қаупі сақталады. Шымкентте 8 маусымда төтенше өрт қаупі сақталады. Түркістанда да төтенше өрт қаупі сақталады.
Бұған дейін синоптиктер демалыс күндері еліміздің оңтүстігінде, батысында, солтүстік-батысында, солтүстігінде және орталығында жаңбыр жауып, күн күркірейді, найзағай ойнайды деп ескерткен. Осыған байланысты ҚР ТЖМ найзағай кезінде ел азаматтары өздерін қалай ұстауы керектігін айтып, өз кеңестерімен бөлісті.
