Америкалық миллиардер Илон Маск АҚШ президенті Дональд Трамппен сөзге келемін деп бір тәулікте 34 миллиард долларға жуық шығынға ұшырады. Бұл мәліметтерді Bloomberg басылымы алға тартты, деп хабарлайды Zakon.kz.
"Нағыз бомбаны жаратын кез келді. Бұл жайттың осыған дейін жарияланбауының нақты себебі осы", — деп жазған кеше Х желісіндегі апарақшасында Маск Трампқа "сәтті күн" тілеп.
Сонымен қатар, ол өз жазбасы астына түсініктеме қалдырғандар арасында "Трампқа импичмент жариялау және оның орнына қазіргі АҚШ вице-президенті Вэнсті сайлау туралы" идеяны да қолдайтынын білдіріп, белгі қойып қойды.
Айта кетсек, "Эпштейн файлдары" деген қаржыгер Джеффри Эпштейннің іс құжаттары. Оған алғаш рет 2006 жылы айып тағылды. Ол жезөкшелікті ұйымдастырумен айналысқанын мойындап, кәмелетке толмағанды зорлағаны үшін сотталған. Миллиардер АҚШ-та 2019 жылдың жазында қайта ұсталады. Ол кезде де қыздармен, оның ішінде 14 жасар қыздарды жезөкшелікке итермелеу, адам саудасымен айналысу сынды айыптар жарияланды. Эпштейнге 40 жылға дейін бас бостандығынан айыру жазасы төнген. Ол темірдің тордың арғы жағында құпия жағдайда көз жұмған.
Бұған жауап ретінде Трамп Truth Social-дағы парақшасында ешкімге қажеті жоқ электромобильдерді сатып алуға баршаны мәжбүрлеуші бұйрығының күшін жойғанын айтып, жазба жариялады. Оның айтуынша, Маск "әбден болдырған", сондықтан да саясаттан кетуге өтініш білдірген.
"Ол менің осылай жасайтынымды бірнеше ай бойы алдын ала біліп жүрді, содан кейін де жынданып кетті!", деп жазды Трамп.
Республикашыл саясаткердің айтуынша, ел бюджетін үнемдеудің ең оңтайлы жолы – үкіметтік субсидияларды қысқартып, Масктың келісімшарттарын жою. Осы жазбалардан кейін бір түн ішінде Маскқа тиесілі Tesla акцияларының бағасы 14,2%-ға құлады, бұл соңғы үш айдағы ірі құлдырау болды. Сөйтіп АҚШ президентімен сөзге келемін деп миллардер бір күнде 34 млрд долларын жоғалтты, бірақ ол әлі де әлемдегі ең бай адамдар тізімінде бірінші орында тұр. Bloomberg агенттігі мәліметінше, Илон Масктың байлығы 334,5 млрд долларға бағаланады.
Негізі, бәрі Илон Масктың 2025 жылдың 3 маусымында Трамп әкімшілігі ұсынған бюджет жобасын сынға алудан басталды. Кәсіпкер бұл құжатты "адам көргісіз жексұрын дүние" деп атады. Өйткені, оның айтуынша, бұл жоба бюджет тапшылығын 2,5 трлн долларға дейін едәуір арттырып, Америка азаматтары мойнына үлкен қарыз ауыртпалығын салатын көреді.
Трамп 2025 жылдың 5 маусымында кәсіпкердің қатты-қатты айтқан сөздерінен көңілі қалғанын жеткізді.
