Қазақстанда отандық өндірушілерді қолдау және жергілікті қамтуды арттыруға бағытталған жаңа бастамалар жүзеге асырылады. Бұл туралы Үкімет отырысында «Kazenergy» қауымдастығының атқарушы директоры Жандос Нұрмағанбетов мәлімдеді, деп хабарлайды Egemen.kz.
«Kazenergy» қауымдастығы Үкіметтің жергілікті өндірісті дамытуға және қазақстандық тауар өндірушілерді қолдауға бағытталған саясатын толық қолдайтынын жеткізді. Бұл ретте қауымдастық квазимемлекеттік сектор өкілдерімен оффтейк келісімшарттар жасасу арқылы нақты қадамдар жасап жатыр.
Жандос Нұрмағанбетовтің айтуынша, бүгінде «ҚазМұнайГаз», «QazaqGaz», «Қазатомөнеркәсіп», «Самұрық-Энерго», «КЕГОК» компанияларының қатысуымен жалпы сомасы 150 млрд теңгеден асатын 302 келісімшарт жасалған.
Қауымдастық алдағы уақытта да отандық тауар өндірушілердің мүддесін қорғауға, олар үшін жаңа мүмкіндіктер ашуға және саланы жүйелі түрде қолдауға ниетті. Жаңа бастамалар аясында сатып алу процестерінің ашықтығын арттыру мен ұзақ мерзімді әріптестік орнатуға ерекше мән беріледі.
Алина ҚАЙРАТҚЫЗЫ,
ЕҰУ 2-курс студенті
