Оның көмегімен қолма-қол ақшасыз операцияларды орындауға болады .
Ұлттық Банк "крипто-карта" жобасын және цифрлық активтер саласындағы пилоттық жобаларды жүзеге асыруды бастады, деп хабарлайды inbusiness.kz сайты.
"Астана" халықаралық қаржы орталығының алаңында цифрлық активтер қызметін көрсететін лицензияланған провайдерлердің (криптобиржалардың) әмияндарына байланған "крипто-карта" жобасын жүзеге асыру тетігі іске қосылды.
Бұл төлем карталары тұтынушыға қолма-қол ақшасыз операцияларды орындауға мүмкіндік береді. Аталған шешім цифрлық активтердің айналымын қолданыстағы төлем инфрақұрылымына қауіпсіз әрі ыңғайлы түрде біріктіруге жол ашады.
Биыл нарық қатысушылары цифрлық активтер саласында бірқатар пилоттық жобаны жүзеге асыруды жоспарлап отыр:
- цифрлық активтер бойынша есеп айырысуда қолданылатын, ұлттық валютамен (соның ішінде цифрлық теңгемен) қамтылған стейблкоиндарды шығару;
- қаржы активтері мен жылжымайтын мүлікті токенизациялау және бағалы қағаздарға теңестірілген токендерді шығару;
- цифрлық қаржы активтерінің базалық қамтамасыз етілуін есепке алу және сақтау жүйелерін ұйымдастыру;
- криптоактивтермен айырбастау және сақтау сервистерін дамыту;
- өзге де инновациялық қаржы сервистері.
