Серік Төленбергенов ҚР Төтенше жағдайлар вице-министрі қызметінен босатылды, деп хабарлайды Zakon.kz. Себебін 2025 жылғы 2 маусымда Қаза
Серік Төленбергенов ҚР Төтенше жағдайлар вице-министрі қызметінен босатылды, деп хабарлайды Zakon.kz.
Себебін 2025 жылғы 2 маусымда Қазақстан Республикасы Үкіметінің баспасөз қызметі келтірді:
«Қазақстан Республикасы Үкіметінің қаулысымен Серік Тулювгалиұлы Төленбергенов басқа жұмысқа ауысуына байланысты Қазақстан Республикасының Төтенше жағдайлар жөніндегі вице-министрі қызметінен босатылды.»
Серік Төленбергенов 1974 жылы 13 желтоқсанда Чарск қаласында дүниеге келген. Шығыс Қазақстан мемлекеттік университетін экономист мамандығы бойынша бітірген; Қазақстан-Американдық еркін университеті заңгер мамандығы бойынша.
Еңбек жолын «АРЖ» ЖШС-де есепші болып бастаған (03.05.1995 – 27.11.1996). Осы жылдар ішінде Қазақстан Республикасы Қаржы министрлігі Қаржылық бақылау комитеті департаментінің мемлекеттік кәсіпорындардың бақылаушы-ревизоры; ЖШС директоры және бас директоры; Шығыс Қазақстан облысының кәсіпкерлік және өнеркәсіп басқармасының инвестицияларды тарту жөніндегі бас маманы; Риддер қаласы әкімінің орынбасары; Ақтөбе облысы әкімінің орынбасары; «Бәйтерек» ұлттық басқарушы холдингі» АҚ басқарма төрағасының кеңесшісі; Семей қаласы мәслихатының депутаты; Абай ауданы әкімдігінің энергетика және тұрғын үй-коммуналдық шаруашылық бөлімінің басшысы.
Серік Төленбергенов 2024 жылдың наурыз айында Төтенше жағдайлар жөніндегі вице-министр болып тағайындалды.
