Польшада өткен президенттік сайлауда Кароль Навроцкий жеңіске жетіп, Украинаның НАТО-ға кіру жолында кедергі болуы мүмкін.
Навроцкий Украина мен Батыс құрылымдарына, соның ішінде Еуропалық Одақ пен НАТО-ға қосылуға қарсы, деп жазады inbusiness.kz сайты Deutsche Welle-ге сілтеме жасап.
Сайлаудың екінші турында Навроцкий 50,89% дауыс жинап, билеуші коалиция өкілі Рафал Тшасковскийді басып озды. Ол сайлау алдында Украина НАТО-ға кіру туралы заңға қол қоймайтынын мәлімдеген еді.
Навроцкий Украина тарихи мәселелерді, әсіресе Волынь қырғынын реттемейінше, Польша оны халықаралық альянстарға қолдамауы керек деген ұстанымда. Ол сондай-ақ Украинаға көрсетілген көмектің жеткілікті деңгейде бағаланбағанын айтып, Зеленскийдің Польшаға деген қарым-қатынасын сынға алды.
Навроцкий: "Бүгін мен Украинаны Еуроодақта да, НАТО-да да – ешбір құрылымда көрмеймін", – деп 2025 жылдың қаңтарында Polsat телеарнасының эфирінде мәлімдеген болатын.
