Жасанды интеллекттің әлеуеті зор, алайда маманды алмастыра алмайды. Ташкентке жиналған сарапшылар пікірі осыған саяды. Бірнеше мемлекеттен келген заңгерлер, IT мамандары, ғалымдар мен бизнес-сарапшылар ЖИ технологияларын құқықтық салада тиімді пайдалану жайын талқылады. Жаңашылдық түрлі ресурстарды үнемдеуге, сараптаманы тездетуге мүмкіндік беретін пайдалы көмекшіге айналған. Өзбекстан жуырда жасанды интеллект технологияларын дамыту стратегиясын қабылдады. Онлайн режимінде жұмыс істейтін платформалар мен интеграцияланған білім базалары қарқынды жұмыс істеуге көшкен. Соның арқасында лицензиялау мен рұқсатнама жүйесі, бизнесті жүргізуге қажет құжаттарды өңдеу жеңілдетілді.
Бобурхан Аббасов, ӨР Әділет министрлігінің жетекші сарапшысы:
Орталық Азия елдері, оның ішінде Қазақстанмен бірлескен тәжірибелерді жолға қою жоспарымыз бар. Инновациялық технологияларды дамытуға арналған түрлі жиындарда қазақстандық әріптестерімізбен осы тақырыпты жиі талқылаймыз. Түрлі пікірталас туындайды, бір бірімізден үйренеріміз көп. Бірлесе жұмыс атқаруға әрқашан дайынбыз.
Базаркүл Отыншиева
