Мемлекеттік айыптаушы Дана Сәрсенбай сотталушыларға ең ауыр жаза тағайындау керек деп есептейді.
Жарыссөз барысында прокурор тарапынан Шерзат Полат өліміне күдіктілерге келесі мерзімдер сұралды, деп хабарлайды inbusiness.kz сайты.
– Думан Ысқақты (кәмелетке толмаған) қылмыстық кодекстің 434-бабымен кінәлі деп танып, оны 1,6 жылға бас бостандығынан айыруды, Дархан Әскентайды, Шыңғыс Белғожаевты, Нұрбол Тоқтаубаевты, Дидар Қалиахметті 293-баптың 7-бөлігімен кінәлі деп танып, оларды әрқайсысын 7 жылға бас бостандығын айыру жасасын, Нұрқияс Ілиясовты 293-бабы, 3-бөлігімен кінәлі деп танып, оған осы бап бойынша 7 жылға бас бостандығынан айыру жазасын тағайындауды, қылмыстық кодекстің 60-бабына сәйкес, оған 04.04.24 жылғы Талғар аудандық сотының үкімі бойынша өтелмеген жазаның ішінара бөлігін қосу арқылы түпкілікті 9 жылға, Азамат Тоқтаубаевты 15 жылға (өтелмеген жазасын толық қосқанда), Равиль Сәкиевті 20 жылға (өтелмеген жазасын толық қосқанда), ал Абзал Шынасылды 23 жылға (өтелмеген жазасын толық қосқанда), бас бостандығын айыру жазасын сұраймыз, – деді Дана Сәрсенбай.
Еске салайық, бұған дейін сот Ержан Жанұзақов күдіктілерге тағылған айыпты айтып өткен еді.
