"Ақжайық" табиғи резерватындағы қамыс өрті әлі де толық сөндірілмей жатыр. Мамандар өртті сөндіру үшін тікұшақпен 30 тонна су төккен, деп жазады inbusiness.kz сайты.
Атырау облыстық төтенше жағдайлар департаментінің имидждік жұмыс және сыртқы коммуникациялар тобынан мәлім еткендей, қамыс өртін сөндіруге тікұшақ тартылды.
"Ақжайық" мемлекеттік табиғи резерватында 280 гектарда қамыс өртенді. Өрттің қазіргі аумағы – шамамен 30 гектар. Төтенше жағлайлар департаментінің құтқарушылары өрттің одан әрі таралуын болдырмау үшін сөндіру және жер жырту жұмыстарын жүргізііп жатыр. Осы кезге дейін "Қазавиақұтқару" АҚ-ның тікұшағымен 10 рет рейс жасалып, 30 тонна су төгілді", — деп хабарлады департаменттің имидждік жұмыс және сыртқы коммуникациялар тобы.
Қамыс өртін сөндіруге Атырау облыстық төтенше жағдайлар департаменті мен "Ақжаайық" мемлекетті ктабиғи резерватынан 110 адам, 26 техника тартылған.
"Өртенген аумақты сөндірге бірнеше жайт қиындық тудырып отыр. Біріншіден, сулы, батпақты жердегі қамыс жанып жатыр. Екіншіден, қамыс қалың, әрі биік өскен. Соған қарамастан, өртті сөндіру жалғасып жатыр. Оқиға орнында өрт сөндіру штабына құрылды. Штабқа төтенше жағдайлар департаментінің басшылары барып, өрт сөндіру жұмысын үйлестіруді қолға алды", — деп мәлім етті департаменттің имидждік жұмыс және сыртқы коммуникациялар тобынан.
