Брянск облысында үстінде жүк көлігі өтіп бара жатқан көпір опырылып, астында жүріп жатқан пойыз вагонына түскен. Салдарынан 7 адам қаза тауып, 30-дан аса адам зардап шекті, деп жазады inbusiness.kz сайты.
Baza Telegram арнасының хабарлауынша, көпір фурамен бірге жолаушылар пойызының үстіне құлаған. Мәскеу темір жолының баспасөз қызметі бұл тұрғыда заңсыздық себептері болып отырғанын жеткізді. Төтенше жағдай бір аралықта болған.
"Климово – Мәскеу бағытында жүрген №86 жолаушылар пойызының локомотиві мен вагондары рельстен шығып кетті. Бұл апат автомобиль көпірінің құлап түсуінен болды. Ал көпірдің құлауына көлік жұмысына заңсыз араласу себеп болған", — деп хабарлады.
Кейбір ресейлік Telegram-арналар көпірдің жолаушылар пойызы астынан өтіп бара жатқан кезде жарылғанын жазуда. Кейінірек Брянск облысының губернаторы Александр Богомаз қаза тапқандар саны жеті адамға, жараланғандар саны 33 адамға жеткенін нақтылады.
