Бұл күнді адамзат 75 жылдан бері атап өтіп келеді. Басты мақсаты – балалардың денсаулығы, өмірі, қауіпсіздігін қорғап, білім алуына ықпал ету, деп жазады inbusiness.kz сайты.
Балаларды қорғау күні 1949 жылы қарашада Парижде өткен Халықаралық демократиялық әйелдер федерациясының конгресінің шешімімен белгіленді. Бұл күнді алғаш рет адамзат 1950 жылы атап өтті.
Әлемде балаларға арналған тағы да басқа халықаралық күндер бар. Мәселен, 4 маусым — Агрессия құрбаны болған жазықсыз балалардың халықаралық күні, 16 маусым — Африка балаларын қорғау күні, 20 қараша — Бүкіләлемдік балалар күні.
Сонымен қатар, халықаралық құқық деңгейінде балалардың құқықтарын қорғауға арналған негізгі құжат — Бала құқықтары туралы конвенция болып саналады. Бұл құжатты БҰҰ 1989 жылдың 20 қарашасында қабылдады, ал КСРО оны 1990 жылдың 13 шілдесінде ратификациялады.
