Америка Қорғаныс министрлігінің сайтында жарияланған мәліметке сәйкес, Пентагон Lockheed Martin қорғаныс корпорациясына 1 млрд доллардан астам сомаға жедел соққы жүйесінің түрлендірілген нұсқасын әзірлеуге тапсырыс берген, деп жазады inbusiness.kz сайты.
Жарияланған мәліметтерге сәйкес, Lockheed Martin толық қызмет көрсету кешеніне тапсырыс алған.
Оған бағдарламаны басқару, инженерлік әзірлемелер, жүйелерді біріктіру, сондай-ақ Conventional Prompt Strike ("Конвенционалды жедел соққы") жүйесіне арналған зымырандар мен ұшыру құрылғыларын өндіруге қажетті материалдар, құралдар мен жабдықтарды сатып алу кіреді.
Бұған дейін бұл қорғаныс компаниясы автономды басқару жүйесімен жабдықталған және ұшқышсыз ұрыс жүргізе алатын бесінші буын F-35 жойғыштарын жаңғырту жоспары барын мәлімдеген болатын.
