Қаладағы бес қабатты үйге жапсарлас салынған дүкен жанып кетті. Екі адамды күйік шалған, қазір олар ауруханада жатыр, деп жазады inbusiness.kz сайты.
Оқиға Ақтөбе қаласының Астана ауданындағы А.Макаренко көшесінде болған. Бес қабатты үйдің іргесіндегі дүкеннің шатыры жанып бастап, артынша өртке ұласқан.
"Дүкен шатырындағы ағаштың жанғаны, өрт сөндірушілер барғанша оттегі баллонының жарылғаны туралы айтылды. Өрт сөндірушілер өрт ошағын табу үшін шатырды ашып, 100 шаршы метр болатын алаңды сөндірді. Өрттен зардап шеккен екі адам ауруханаға жеткізілді", – деп хабарлады облыстық ПД баспасөз қызметі.
