Актер Алмат Сақатов сұхбаттарының бірінде танымал бола бастаған кезеңін еске алып, сол уақытта өзін «сері» сезініп, отбасы алдындағы жауапкершілікті екінші орынға ысырып қойғанын айтты, деп хабарлайды Sn.kz ақпарат порталы.
Актердің сөзінше, сол жылдары жарының көңіліне тиетін әрекеттер жасап, өзге қыздармен араласқан кездері болған. Ол кей жағдайда өз қателігін мойындамай, мәселеге жеңіл қарап, қол сілтеп қоя салғанын да жасырмады.
Сақатовтың айтуынша, осы уақытқа дейін жарына арнайы барып кешірім сұрамаған. Ол мұны өзінің «табиғатына» байланысты екенін түсіндірген.
Актердің бұл сөзі әлеуметтік желі қолданушылары арасында түрлі пікір туғызды. Көпшілік оның мұндай тақырыптарды көпшілік алдында талқылауына қатысты сын пікірлерін білдірді.
«Болашақ ұрпаққа дұрыс тәрбие керек», «Ұят-ай, оттаған әңгіме», «Танымал адам былай сөйлегені дұрыс емес. Төсек жөнінде басқаша айтсаң да болады ғой», «Масқара, берген жауабын қара. Ұяттан жұрдай, өзінше бөсініп отырған түрін қара», «Осыны жұртқа айту керек пе?» – деді көпшілік.
Дереккөз: Skif News · Сағыныш Назар
