Белгілі әзілкеш Нұрболхан Шарапов пен “Қара алтын” фильмінің продюсері Айсәуле Әбілдә желіде дауласып қалды, деп хабарлайды Sn.kz ақпарат порталы.
Дауласуға әзілкештің фильмге байланысты пікірі себеп болған.
”Нұрболхансыз күніміз қалай болар екен енді. Бықсытып не айта алмай жүрсіз өзі, Н мырза? Азаматсыз ғой, ашып айтсаңызшы міңгірлей бермей. Жұрт киноларды салыстырса — ол біздің маркетинг екен, бір көрермен назын айтса — тағы біздің манипуляция.
Осы 10 күн бойы шулап жатқан елдің бәрі менің жеке танысым шығар мүмкін? Әлия Бөпежанова, Айгүл Ісмақова бастаған жүздеген өнер-ғылым өкілдерінің жоғары бағасын ақша беріп сатып алған шығармыз”, — деді продюсер.
Нұрболхан Шарапов продюсердің жазбасына бірден жауап беріп, онымен “алысатын жағдайы жоқ” екенін айтты.
“Әпше, қойшы, өзім соғыстан кеше келдім. Енді сенімен алысатын уақыт жоқ. Менсіз жасай бер маркетингті.🥱 Кино түсірдім деп шетімізден аузын ашқанның бәрін қырып бара жатсыз ғой.
Бармаған халықты кінәләп бәрін ЧМО дегенге қосылып отырсаңыз онда ниетіңізге қарай касса бұйырса. Сәттiлiк”, — деді әзілкеш.
Кейін Нұрболхан Шарапов өз парақшасында “Жарығым-ай” фильмі туралы айтып, “хайпсыз” жақсы қаржы жинағанын атап өтті.
”Жарығым-ай» фильмi 2-шi аптасында өте жақсы тауып 1 орынға шығыпты. Жарайсыңдар! Көп бықсымай, жан жағыңа құспай, мен арқылы хайп ұстамай осылай тып тыныш кассаңды жинағанға не жетсiн”, — деп жазды әзілкеш.
Дереккөз: Skif News · Лунара Арынбек
