Абай облысының Аягөз қаласында көпбалалы аналар, соғыс ардагерлері мен мемлекеттік қызметкерлерге арналған үйлердің тұрғындары жылдар бойы баспанасын жекешелендіре алмай келеді. Себебі бұл үйлердің жер телімдері заңсыз деп танылған, деп хабарлайды Skifnews.kz ақпарат порталы.
Тұрғындардың айтуынша, үйлер салынған кезде жер актісі берілмеген, ал құрылыс басталарда рұқсат қағазы да рәсімделмеген. Соның салдарынан қазір ондаған отбасы құжатсыз қалып, өз үйлерін меншігіне айналдыра алмай отыр.
Көпбалалы аналар «бұл мәселе бірнеше жылдан бері шешілмей келе жатыр» деп наразы. Олар мемлекет бағдарламасы аясында берілген үйлердің заңдық мәртебесін реттеуді сұрайды.
«Жердің қағазы жоқ болған соң, не сата алмаймыз, не рәсімдей алмаймыз. Құжатсыз отырғанымызға бірнеше жыл болды», – дейді тұрғындар.
