Түркістанға былтыр бір миллион жүз мың турист келген. Алдағы екі жылда бұл санды 2 миллионға жеткізу межесі тұр. Тарихи қалада саяхатшыларды қызықтыратын бірнеше ауқымды жоба жүзеге аспақ .
Түркістан төріндегі басты нысан — Қожа Ахмет Ясауи кесенесі. Сәулет өнерінің ғажайып туындысы XIV ғасырда Әмір Темірдің бұйрығымен тұрғызылған
Шерхан Жамбылұлы, тілші:
Ғалымдар мен сәулетшілер кесенені инженерлік шеберліктің шыңы деп бағалайды. Оның қамыс іргетасынан бастап, жел өткізетін арналарына дейін өз заманының ең озық технологиясы болып есептеледі. Ал мына көк күмбез аспанмен астасып алыстан көз тартады. Айтпақшы, бұл күмбез Орталық Азиядағы ең үлкен күмбез болып есептеледі
Киелі қалаға зиярат етуге келгендер Арыстанбаб кесенесі, қылует жерасты мешіті мен ежелгі моншаны да өз көзімен көре алады.
Түркістан төріндегі этноауыл — өткен ғасырлар тынысын бүгінмен жалғаған ерекше мәдени кеңістік.
Шерхан Жамбылұлы тілші:
Гандоламен қазір Венецияда ғана емес, сонымен қатар Түркістанда да серуендеуге болады. Осылайша қайықпен Керуен сарайдың ішіндегі жасанды көлмен жүріп, әдемі көріністі тамашалап, әсіресе кешкі салқынмен жүрген өте тамаша екен. Самал жел, жанға жайлы ауа райы. Және де мынадай тамаша көрініс.
Кеш батқанда кешен ғажайып ертегіге айналып, су үстіндегі шоу ұсынылады. Тарихи Түркістан жайлы арнайы хабарды ертең 16:30-да тамашалай аласыздар.
Шерхан Жамбылұлы
