Испандық БАҚ-тың хабарлауынша, португалиялық жұлдыз – Криштиану Роналду бүгін "Аль-Наср" (Сауд Арабиясы) сапындағы мансабын аяқтайтынын жариялайды. Marca басылымының мәліметінше, Эр-Рияд қаласының клубы ресми түрде өзгерістер туралы хабарлау үшін баспасөз мәслихатын өткізуді жоспарлап отыр, — деп хабарлайды Massaget.kz тілшісі.
"Криштиану Роналду мен "Аль-Наср" екі жарым жыл бұрын басталған, бірақ ешқандай титул әкелмеген сапарларын ресми түрде аяқтауға дайындалып жатыр", – деп жазады басылым.
Дереккөздің айтуынша, Роналду Сауд Арабиясын халықаралық аренада таныстыруды жалғастыруы әбден мүмкін.
Португалиялық футболшының жаңа клубы "Аль-Хиляль" болуы ықтимал. Себебі дәл осы команда маусым айында Клубтар арасындағы әлем чемпионатына қатысады, ал ФИФА Роналдудың бұл турнирге қатысуын қалайды.
Айта кетейік, Криштиану Роналду Сауд Арабиясына 2023 жылдың басында келіп, осы уақыт ішінде клуб сапында 99 гол соқты. 99-шы голын шабуылшы маусымның соңғы матчында "Аль-Фатех" қақпасына енгізді.
Алайда португалиялық ойыншы Сауд Арабиясы клубымен бірде-бір титул жеңе алмады.
Посмотреть эту публикацию в Instagram
Публикация от Cristiano Ronaldo (@cristiano)
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
