Оңтүстік Кореяда мерзімінен бұрын президент сайлауына дауыс беру басталды. Ел аумағында 3 жарым мыңнан аса сайлау учаскесі ашылған. Ұлттық сайлау комиссиясының дерегінше, таңертең саяси науқанға қатысуға құқылы азаматтардың 5 пайыздан астамы, яғни 2 миллион 320 мыңнан астам адам өз таңдауын жасап үлгерген. Елде президент сайлауы жоспарланған мерзімнен екі жыл бұрын өтіп жатыр. Бұған экс-президент Юн Сок Ёльге елде әскери жағдай жариялағаны үшін сәуірде импичмент жариялануы себеп. Ел басқару лауазымына 6 кандидат тіркелген. Басты бәсеке Демократиялық партия лидері Ли Чжэ Мён мен «Халық күші» партиясының өкілі Ким Мун Су арасында болмақ.
Арай Төлегенқызы
