Аустралияның Жаңа Оңтүстік Уэльс штатында орман өрті өршіді. Сиднейдің солтүстігінде қызыл жалынды ауыздықтау кезінде бір өрт сөндіруші опат болды.
Ол құлаған ағаштың астында қалып қойып, оқиға орнында көз жұмған. Кейінгі деректерге сәйкес, аймақта 50-ден астам өрт ошағы әлі сөндірілмеген. Өрт 16 үйді күлге айналдырды. Тұрғындар қауіпсіз жерлерге көшіріліп жатыр. Мамандар алдағы айларда құрғақ ауа райы мен желдің күшеюіне байланысты өрт қаупі жоғары болатынын ескертті.
