Елорда мектептері мен балабақшаларында таңғы фильтр енгізіледі.
Елде тұмау мен жедел респираторлық вирустық инфекцияға шалдығудың жиілеуіне байланысты балалар мен педагогтердің жағдайы күн сайын сабақ басталғанға дейін тексеріледі. Қаланың бас санитарлық дәрігері осындай қаулы жариялады. Егер бір сыныпта оқушылардың 30%-ы вирус жұқтырса, оқу онлайн форматқа ауыстырылады. Ал сырқаттану 20%-дан асса, 10 күнге кабинеттік жүйе алынып тасталып, сыныпқа жаңа балалар қабылданбайды. Санитарлық қызметтің мәліметінше, қазір вирус жұқтырған 3430 адамның 25%-ы — оқушылар. Сынамалар нәтижесі тұмаудың A вирусы, яғни Гонконг штамы басым екенін көрсетіп отыр.
