Абай облысында жүргізуші куәлігін алып беремін деп уәде берген әйел ұсталды, — деп хабарлайды Massaget.kz тілшісі.
Мән-жайы
Семейдің 22 жастағы тұрғыны полицияға алаяқтық туралы арызбен жүгінді. Жігіттің сөзінше, өзін "Айнұр" деп таныстырған әйел жүргізуші куәлігін рәсімдеуге жәрдемдесетінін айтып, сеніміне кірген. Оның сөзіне сенген жігіт әйелге 270 000 теңге көлемінде ақша берген.
Алайда ақшаны алғаннан кейін әйел байланысқа шықпай қойып, уәде етілген құжаттар да берілмеген.
Полиция пікірі
Полиция қызметкерлері күдіктіні, яғни Семей қаласының 25 жастағы тұрғынын полиция бөліміне жеткізді. Тергеу барысында ол өз кінәсін мойындап, ақшаны жеке қажетіне жұмсағанын жеткізді.
"Бұл дерекке қатысты алаяқтық дерегі бойынша соталды тергеу басталды", — деді ІІМ өкілі.
Қызықты жаңалықтар мен видеоларды көру үшін TikTok арнамызға жазылыңыз!
