«Путин енді патша емес, бұрынғы диктатор кезінің елесі». Ұлыбританияның The Sunday Times басылымы өзін « данышпан » деп санаған адамның қорқыныш пен қартаюдың тұтқынына айналғанын жазуда.

Британдық ықпалды саясаттанушы Марк Галеотти The Sunday Times басылымындағы мақаласында 72 жастағы Путиннің қабілетінің төмендеп кеткенін жан-жақтылы талдай келе: «Бір кездері есепшіл және суық саясаткер болып көрінген Кремль қожайыны қазір шындықпен байланысын жоғалтқан қартайған диктаторға айналды» деп сипаттайды.

Путин өзінің данышпан екеніне сенімді. Бірақ шындық басқаша: бір кездері оған қарсы шығуға батылы барғандардың бәрі жоғалып кетті: кейбіреулері жер аударылды, кейбіреулері түрмеде, ал кейбіреулері қабірде.

Бүгін оның айналасында тек жағымпаздар мен фанаттары ғана қалды, олар бәрі жоспар бойынша жүріп жатқанын қайталаудан танбайды.

Шындық басқаша: Украинада ел қансырап жатыр, экономика құлдырап барады, ал «көсемнің» өзі сарайында қамалып қалған тозған монархқа ұқсайды.

Галеотти әлем қазір тек Путинмен ғана емес, сонымен қатар шындыққа күмәндану және оны қабылдау қабілетін жоғалтқан «Путин квадратымен» де күресіп жатқанын жазады. Ол өзін елестермен тұмшалады.

Ол тіпті өзіне ең жақын адамдарды – кеңесшілерді, банкирлерді, әскери қызметкерлерді де тыңдауды тоқтатты. Оған жаман хабар жеткізуге оқталған кез келген әрекет үнсіздікпен немесе мансабтан айырылумен аяқталады.

Тіпті оның Украинаға басып кіру туралы апатты шешімі де күштен емес, қорқыныштан, ұмытылып қалудан қорқудан туындады. Нақтылап айтқанда, Тарих өзін Ресейдің құлауына себеп болған адам ретінде жазады деген қорқыныштан.

Нәтижесінде: миллиондаған адамдардың өмірі қирады, жүздеген мың адам қаза тапты, ондаған қалалар жермен жексен болды.

Путин қартайып барады. Оның күші, бақылауы, халыққа деген сенімі аз. Ол мұрагер тағайындаудан қорқады, «ақсақ үйрек» болып көрінбеу үшін. Ол соғыста жеңіліп қалудан қорқады, бірақ қазірдің өзінде жеңілгенін мойындаудан да қорқады.

«Ол өзін алтын торға қамап қойды», — деп жазады Галеотти. «Ол қорқынышқа, паранойяға және ұлы болып көрінуге деген құштарлыққа бой алдырды, әйтседе ол көптен бері күлкіге қалып келеді».

Ресейлік элита оны құрметтеуді көптен бері тоқтатты, бірақ одан әлі де қорқады. Ел автопилот режимінде жұмыс істейді, ал диктатордың өзі тек бір нәрсені армандайды: оқулықтарға кіруді, кісі өлтіруші емес, қорқақ емес, Ресейдің құтқарушысы ретінде.

«Бірақ бұл да орындалмайды. Тарих қазірдің өзінде оны шешіп қойды» деп атап өтеді британдық саясаттанушы.

Керімсал Жұбатқанов