Маңғыстауда Каспий теңізінің жағалауында жаңа «Aqqu Resort & Camp» демалыс және қонақүй кешені ашылды.

«Aqqu Resort & Camp» – Мем­лекет басшысы Қ.Тоқаев­тың туризм мен өңірлік инфра­құ­ры­лымды дамыту жөніндегі тап­­сыр­маларын жүзеге асыру аясында іске асырылған жұ­мыс­­тар­дың бірі, өңірдің турис­­тік инфрақұрылымын дамы­ту­дағы маңызды бастама. Көп­функ­ционалды формат­та жұмыс істейтін кешен жаз мезгілінде 300–350 балаға арналған «Aqqu Camp» балалар лагері ретінде, қалған уақытта курорттық, корпоративтік демалыс орталығы ретінде қызмет көрсетеді. Инвестордың жеке қаражаты есебінен салынып жатқан кешен аумағында заманауи тұрғын корпустар, ересектер мен балаларға арналған екі ашық бассейн, 50 орындық кинозал, футбол алаңы мен спорттық аймақтар, медициналық пункт, мейрамхана орналасқан. Нысан 100-ден астам адамды жұмыспен қамтиды.

– Жаңа демалыс орындары­ның ашылуы тұрғындардың өмір сапасын жақсартуға, балалар мен жастардың бос уақытын тиімді ұйымдастыруға мүмкіндік береді. «Aqqu Resort & Camp» заманауи, қауіпсіз әрі шабыт сыйлайтын жаңа демалыс кеңістігіне айналады деп сенемін, – деген Маңғыс­тау облысының әкімі Нұрдәулет Қилыбай жаңа кешеннің ашы­­луы өңірдің әлеуметтік-эконо­мика­лық дамуына, туризм саласына жаңа серпін беретінін атап

өтті.

Маңғыстау өңірінде қолға алынған жақсы жоба, тың бастамалар аз емес. Теңіз жағалауынан ашылған заманауи демалыс орны әрі балалар лагері – соның бірі.

Маңғыстау облысы