Қазақ-фин қарым-қатынасының басты тақырыптарыынң бірі цифрландыруға қатысты өрбуге тиіс.
Мұның себебін әрі бұл мәселенің аса өзекті екенін өзге елдің сарапшылары да құптайды. "Президент Тоқаев Жолдауында қазіргі заманауи үдерісті дөп басқан. Ол Қазақстан экономикасын әртараптандырып, цифрландыруды дамытуға ерекше мән беріп отыр. Бұл цифрлық экономиканың дәуірінде аса маңызды қадам», — дейді қытайлық сарапшы Дин Сяосин. Ол — көрші елдегі халықаралық қатынастар академиясының институт директоры. Дин Сяосиннің айтуынша, Қазақстанның даму жоспары Қытайдың стратегиясына ұқсайды. Бұл қазақ-қытай арасындағы ынтымақтастықты одан әрі нығайтып, қазіргі күнге дейін жеткен жеткістікті еселей түсуге жол ашады.
Дин Сяосин, Қытайдың Халықаралық қатынастар академиясы жанындағы Еуразиялық зерттеулер институтының директоры:
- Менің ойымша, Қазақстан Президенті Тоқаевтың жолдауында қойылған міндеттер мен Қытайдың қазіргі даму жоспары екі ел арасындағы ынтымақтастықты одан әрі дамытуға үлкен мүмкіндік береді. Бұл цифрлық экономика, ауыл шаруашылығы, логистика, өнеркәсіптік өндіріс салаларын қамтиды деп ойлаймын. Қазақстан мен Қытай өздерінің стратегиялық даму жоспарларын үйлестіре алады. Себебі бұған дейінгі ынтымақтастығымыз айтарлықтай нәтижелер берді.
