«Заң мен тәртіпті нығайтпай, мемлекет тұрақтылығын қамтамасыз ету мүмкін емес».
Әділет министрі президент жолдауына қатысты өткен жиында осылай деп мәлімдеді. Оның сөзінше, министрліктің жұмысы бүгінде екі негізгі бағыт бойынша жүзеге асып келеді. Алғашқысы шығармашылықты жетілдіру мен құқықтық мониторингті дамытуға байланысты болса, кейінгісі оның құқықтық практикасын нығайтуға негізделген. Осы мақсатта сот практикасын ілгерілетіп, азаматтардың өтініштерін талдауда және тиімсіз нормаларды анықтауда жасанды интеллект мен заманауи технологиялар қолданысқа енген. Бұл заң шығару процесін ашық әрі ғылыми тұрғыда айқын етуге ықпалын тигізбек. Сондай-ақ азаматтардың құқықтық сауатын арттыруда, заңнаманың онлайн-құралдар арқылы қолжетімділігін кеңейтуде де министрлік тарапынан бірқатар шаралар атқарылып жатыр.
