Лионель Месси туралы жаңа деректер пайда болды, — деп хабарлайды Massaget.kz тілшісі.
Инсайдер Фабрицио Романоның мәліметінше, жаңа келісімшарт бойынша келіссөздер жүргізіліп жатыр. Ол клубта қалып, келісімшартын ұзартпақ.
Дэвид Бекхэмнің клубымен Мессидің қолданыстағы келісімі 2025 жылғы 31 желтоқсанға дейін күшінде.
2025 жылғы MLS маусымында аргентиналық 28 матч өткізіп, 29 гол соғып, 19 нәтижелі пас берді және лиганың үздік бомбардирі атанды.
Месси — әлемдегі титулы көп футболшы. Аргентина құрамасының 38 жастағы форварды 2023 жылғы шілдеден бері "Интер Майами" сапында ойнап келеді. Бұған дейін "Барселона" және "Пари Сен‑Жермен" клубтарында өнер көрсетті.
2024 жылғы жазда Месси Аргентинамен бірге екінші рет Америка кубогын жеңіп алды және әлемдегі ең титулды ойыншы атанды. Қазір аргентиналықтың жүлделер қорында 46 трофей бар, соның көпшілігін ол "Барселонада" жеңіп алған.
Лионель Мессидің барлық трофейлері:
- "Барселона": Ла Лига (10), Испания кубогы (7), Испания суперкубогы (8), Чемпиондар лигасы (4), УЕФА суперкубогы (3), клубтық әлем чемпионаты (3).
- "Пари Сен‑Жермен": Лига 1 (2) және Франция суперкубогы.
- "Интер Майами": Лигалар кубогы және MLS тұрақты чемпионаты.
- Аргентина құрамасы: Америка кубогы (2), Олимпиада, Финалиссима, әлем чемпионаты және жасөспірімдер арасындағы әлем чемпионаты.
Өзекті жаңалықтарды өз уақытында оқу үшін Facebook парақшамызға жазылыңыз!
