«Sport Time» бағдарламасының бүгінгі шығарылымы бапкерлердің біліктілігі жайында болмақ. Бұл – өте өзекті мәселе және көбіне көлеңкеде қалатын, сырт қалатын тақырып. Өйткені біз спортшылар туралы айтамыз, спорттық нәтиже туралы айтамыз, бірақ оның артында тұрған осы нағыз қара жұмысты атқаратын бапкерлердің еңбектері еленбай жатады. Бағдарлама ұжымы Астанадағы №8 спорт мектебіне келді. Мұнда футбол бағыты бойынша балаларды дайындайды. Айтпағым, бұл жақта бапкерлердің біліктілігіне ерекше мән берілген. Басшысы Еркебұлан Жомарт есімді азамат алыс-жақын шетелдерден осында командаларды шақырып, турнир өткізеді. Сол жерде бапкерлер өзара шеберлік алмасады. Жуырда біздің мамандарды алыс-жақын шебелдерге шығару, оның ішінде Ресей, Серия сияқты елдермен келіссөздер жүргізіп, алғашқы толқыны, осы мектептің, яғни балаларды баптайтын бапкерлер барып, сол жақтан көріп, жиған-тергендерін осында қолданып жатыр. Қазір сол процестің барысын көреміз және эксклюзивті сұхбаттар жазып, балалар футболын дамытуға қатысты қандай ойлары бар, қандай әдістемелері бар және алдағы жоспарлары жайында сұрағымыз келеді.
