Қызылорда облысы Қармақшы ауданының тұрғыны Салтанат Ұзақбай 6 келі 500 грамм салмақпен ұл баланы дүниеге әкелді. Бұл – отбасының тұңғышы. Дәрігерлердің айтуынша , сәби дүниеге келген сәтте жағдайы ауыр болған. Нәресте жансақтау бөлімшесінде қосымша ем қабылдаған. Қазіргі таңда ана мен баланың жағдайы тұрақты. Айта кетейік, өткен жылы Қызылорда облыстық көпбейінді ауруханада 70 орындық перинаталдық бөлім ашылған болатын. Бұған дейін өңірде босанған әйелдер мен жаңа туған нәрестелерге көмек көрсететін жалғыз медициналық ұйым – облыстық перинаталдық орталық еді. Жаңа бөлімнің ашылуы перинаталдық орталықтың жүктемесін азайтуға мүмкіндік берді.
Салтанат Ұзақбай, Қармақшы ауданының тұрғыны:
- Жүктілік потологиясына түстім. Осы жақта УЗИ-ге түсіріп, балаң крупный, кесар тілігімен босандырамыз деп дәрігерлер бірігіп, аман-есен алып қалды. Атын Қуанышбек деп қойып жатырмыз.
Арман Ержанова, акушерлік бөлім меңгерушісі:
- Бұл балада әрі қарай емді қарқынды емдеу бөлімінде жалғастырылды. Қазіргі таңда нәрестенің жағдайы қанағаттанарлық, анасымен бірге. Бұрындары болатын, 6 келі туған, 6 келі 250 сондай нәресте туылды. Енді ол көбінесе әйелдің физиологиялық ерекшелігіне байланысты. Ата-анасы ірі адамдар болған кезде, солай ірі болып туылады нәрестелер.
