Кеше Тәжік астанасы Душанбеде Орталық Азия елдері басшылары мен Ресейдің бірлескен саммиті өтті. Оның ізін ала, ТМД елдері басшыларының кезекті басқосуы да осы қалада өтіп жатыр .
Аталған басқосуға Ресей президенті Вледимир Путин бар. Каспийдің екінші бетінен Әзірбайжан президенті Ильхам Әлиев те ұшып барған.
Көптен бері жұрт алдында бір-біріне салқын сөйлеп, қабақ шытып қарап келген Әлиев пен Путин Душанбеде жеке жолықты. бұл кездесу ұзын-ырғасы 40 минутқа созылды. Екеуара әңгіменің басты талқысы – 2024 жылдың желтоқсанында Ақтау маңында апатқа ұшыраған Әзірбайжан ұшағы.
ДЕРЕК: 2024 жылдың 25 желтоқсаны. Әзірбайжанның «AZAL» әуекомпаниясына тиесілі Embraer E190 жолышаулыр тасымалдайтын ұшағы Бакуден ұшып шығып Грозныйға жете бергенде РФ Әуе қорғаныс кешенінің шабуылына ұшырап, Ақтауға қарай кері бұрылған. ӘҚК (ПВО) зымыранынан болған зақымнан ұшақ Ақтауға жетер-жетпес жерге құлап, апатқа ұшырады. Борттағы 38 адам қаза тапты. Тірі қалғандар саны – 29 адам.
Әзірбайжан тарабы ұшақтың апатқа ұшырауына Ресейді кінәлады. Президент Әлиев алғашқы апталардан-ақ, Ресейді айыптап, өтамақы талап етті. Бірақ, Ресей тәналған жоқ. Баку мен Мәскеу арасы осыдан бастап суи түсті.
Ал кеше Ресей президенті Путин Ақтауда апатқа ұшыраған Әзербайжан әуе компаниясының ұшағын ресейлік әуе қорғаныс жүйесі атып түсіргенін ақыр соңында мойындады. Мойындап қана қойған жоқ, өтамақы төлейтінін айтты.
Путин не деді?
«AZAL» ұшағы апатқа ұшырайтын күні, Ресей аумағына үш украин дроны кіріп кетті. Ресей келісім бойынша болған жайтты толық анықтауға қатысты тергеу-тексеруге толық қатысуда. Ресейдің әуе қорғаныс жүйесі атқан екі зымыран ұшаққа тиген жоқ, ұшақтың жанында бірнеше метр қашықтықта жарылса керек. Ұшаққа нақты соққы емес, жарқыншақтар тисе керек», — деді Путин.
Путин ұшақтың құлауына қатысы бар азаматтардың әрекетіне құқықтық тұрғыдан баға берілетінін айтты.
