Анеля Кенжебекова есімді, Instagram-да 1,5 миллионнан астам жазылушысы бар танымал блогер жақында өмірінен қызықты оқиғасын бөлісті, деп хабарлайды Skifnews.kz ақпарат порталы.
Айтуынша, ол бала кезінен алдына нақты мақсат қоя білетін, табысқа ұмтылған қыз болып өскен. Алматыдағы қарапайым Тастақ ауданында тұрған бойжеткен оқуда озат болып, анасынан үлкен қолдау мен мотивация алыпты.
«Мен 18 жасқа дейін ата-анамның ауқатты екенін мүлде білмедім. Үйде жалғыз қыз болғандықтан, ерке болып кетпесін деп, олар өз жағдайын жасырған екен. Тек мектепті аяқтап, кәмелет жасқа толғанда ғана біз Тастақтан үлкен үйге көшіп, ата-анамның шын мәнінде бай екенін сонда түсіндім», – деп ағынан жарылды блогер.
Желі қолданушылары бұл оқиғаға әртүрлі пікір білдірді. Бірі таңғалып, сенбей жатса, енді бірі әзілге айналдырды.
«Тура үнді сериалы ғой», «Мен 23 жастамын, бірақ ата-анам әлі бай екендерін айтқан жоқ», «Мамамнан сұрап көруім керек сияқты, біз шынымен кедейміз бе екен», «Сценарий нағыз киноға лайық екен», «Әлде дорамаларды тым көп көріп қойған ба» – деп жазды олар.
@daididay5 #анеля #кенжебекова #подкаст #интервью #aitarymbar ♬ оригинальный звук — daididay
