Қазақстан жылнамасының жаршысы Kazinform агенттігіне 105 жыл.
Ғасырлық тарихы бар елдегі ең көне ақпарат көзі бүгінде халықаралық деңгейде хабар таратады. Kazinform түрлі платформаларда тәулігіне мыңнан астам ақпарат жариялайды. Мәтіндер 5 тілде жарыққа шығады. Агенттіктің 11 мемлекетте меншікті тілшісі бар. Жарияланған материалдарды тәулігіне 500 мыңнан астам оқырман оқиды. Мерейлі мерекеге орай Астанадағы Президенттік орталықта салтанатты жиын өтті. Мемлекет басшысы Қасым-Жомарт Тоқаев агенттік ұжымына құттықтау хатын жолдады. Сондай-ақ, мекемеге еңбегі сіңген қызметкерлер марапатталды. Салтанатты іс-шара аясында арнайы кітаптың тұсауы кесілді. Онда Kazinform агенттігінің тарихы мен цифрлық даму кезеңінде ақпарат агенттіктерінің жұмысы жайлы мәлімет қамтылған.
Асқар Жалдинов, Қазақстан Республикасы Президентінің Телерадиокешені директорының орынбасары:
- Бір жылдың ішінде оқырман саны 500 млн-нан асты. Одан басқа бізді 172 мемлекет оқып жатыр. Күнделікті бақылап, қарап отырған кезде жалпы географиясы үлкен. Бұдан басқа бізді ақпаратты басқа ақпараттық агенттіктер, басқа БАҚ-тар бүкіл әлемде бізде Қазақстан бойынша, Орталық Азия бойынша бізден алып отырады. Даму бағыты үлкен. Біздің ойымызша Kazinform потенциалы Орталық Азияны түгел қамту.
