Қазіргі уақытта облыста 1900 оқушы орны тапшы. Салынып жатқан мектептер мен қосымша ғимараттар бұл мәселені келер жылы толықтай жояды, деп хабарлайды Egemen.kz.
Биылғы оқу жылында өңірдегі оқушы орындарының тапшылығы үш еседен аса азайған. Өткен оқу жылында 600-ден астам орын тапшы болса, қазіргі күні 1900 орынға дейін төмендеген.
- Оқушы орындары тапшылығын азайтуға «Достық» шағын ауданында ашылған жаңа мектеп те әсер етті. Қазіргі уақытта облыс орталығында 600 оқушыға арналған тағы бір жаңа мектеп салынып жатыр. Бұған қоса Ахмет Байтұрсынұлы атындағы мектепте 288 оқушыға арналған қосымша ғимарат тұрғызылуда. Сондай-ақ келер жылы Усолка шағын ауданында 1200 оқушыға лайықталған тағы бір жаңа мектеп іске қосылуы керек, — дейді облыстық білім беру басқармасының басшысы Айгерім Әбенова.
Нәтижесінде аймақтағы үш ауысымды мектептер мәселесі толығымен шешіледі деп күтіліп отыр.
Павлодар облысы
