4-14 қыркүйек аралығында Ұлыбританияның Ливерпуль қаласында World Boxing ұйымдастырумен әлем біріншілігі өтеді, деп жазады Egemen.kz.
Халықаралық бәсекеде 68 елден 554 былғары қолғап шебері жүлдеге таласады. Оның ішінде 329 боксшы ерлер, 225 боксшы әйелдер арасында бақ сынайды.
3 қыркүйек күні жаһандық доданың жеребе тарту рәсімі өтті. Нәтижесінде жарыстың алғашқы күнінде шаршы алаңға екі отандасымыз шығады.
Әйелдер арасында 54 келіде Элина Базарованың қарсыласы өзбекстандық Нигина Уктамова.
90 келіде Сағындық Тоғамбай Исаак Окомен келесі кезең жолдамасын сарапқа салады.
Қазақстан уақытымен 22: 00-де басталатын бәсекені SPORT+ арнасы тікелей эфирде көрсетеді.
