Үндістанның солтүстігінде толассыз нөсер су тасқынына ұласты, деп хабарлайды 24kz.
Салдарынан өзен арнасынан шығып, лай көшкіні жүрді. Таудан аққан сел біраз үй мен көлікті басып қалды. Опат болғандар мен жарақат алған жайлы ақпар жоқ. Жолдар бүлініп, қозғалыс шектелген. 10 мыңнан астам тұрғын арнайы лагерьлерге орналастырылды. Оңтүстік Азияда маусымнан қыркүйекке дейін муссондық жаңбыр мезгілі. Осы уақыт аралығында жауын-шашын шамадан тыс көп түсіп, соңы табиғат апатына ұласып жатады. Салдарынан халық көп зардап шегеді.
