Абай облысында Алакөл жағалауы тазаланды. «Таза Қазақстан» экологиялық акциясы аясындағы шараға 150-ден аса адам қатысты.
Олардың күшімен 7 тоннаға жуық қоқыс жиналды. Жалпы биыл Мақаншы ауданының өзінде 300 тонна тұрмыстық қатты қалдық жиналса, соның жартысына жуығы Алакөл жағалауынан шығарылды. Ұйымдастырушылардың айтуынша, мұндай тазалық шаралары өңірде апта сайын өтеді.
Серік Шаяхметов, Қабанбай ауылының тұрғыны:
- Алакөл жалғыз Мақаншы ауданына тиесілі емес, бүкіл республикамызға белгілі, қасиетті көл. Оған туристер жалғыз біздің облыстан келмейді. Ресейден, жан-жақтан келіп жатқандықтан көліміздің таза болуы бәрімізге үлкен жауапкерлішікті жүктейді.
