Енді несие алу қиындайды. Ұлттық банк тұрғындарға қарыз беру жүйесін қатаңдатпақ. Себебі халықтың берешегі шектен тыс көбейіп барады. Банктер өзінде көбірек капитал ұстауға міндетті. Демек алдағы уақытта клиентті мұқият тексеріп, төлем қабілеті жоғары адамдарға ғана кредит береді. Сонымен қатар пайыздық мөлшерлемелерге шектеу қойылады. Қаржы ұйымдары қарыздан тым жоғары үстемақы ала алмайды. Бұл тұрғындарды артық шығыннан қорғауға бағытталған. Биылғы шілдедегі дерек бойынша елдегі банктердің активтері 64,8 триллион теңгеге жетіп, депозиттік база 44,1 трлн теңгеге өскен. Қаржылық жағдайлары тұрақты. Негізгі және меншікті капитал нормативтік талаптардан едәуір асып отыр. Сондықтан бұл елдің берешегін азайтуға жасалған маңызды қадам, дейді жауаптылар.
Ернұр Медет
