Өскеменде 16 шақырымнан астам сумен жабдықтау желісі мен, кәріз жүйесі ауыстырылып жатыр.
Кейбір ықшам аудандарда осыдан 45 жыл бұрын тартылған құбырлар жаңартылуда. Бұл шаруаға 4 миллиард теңге қарастырылған. Мұның ішінде «тарифті инвестицияға айырбастау» бағдарламасымен бөлінген қаражат та бар. Сондықтан қоғам белсенділері мен, моно-полияға қарсы қызмет өкілдері бірлесіп ауқымды жөндеу барысын апта сайын қадағалап жүр.
Ықшамаудандарда жаңадан қазылған мынадай шұңқырлар көбейген. Бұл әжептәуір қолайсыздық тудырса да, шыдауға тура келеді,- дейді мамандар. Өйткені қалада су желілері мен кәріз жүйесін жөндеу жұмыстары басталды. Бұл соңғы жылдары қолға алынған ең ауқымды шаралардың бірі.
Жұмагүл Мүсіпова, ШҚО Табиғи монополияларды реттеу департаменті басшысының м.а:
- Бекітілген инвестциялық бағдарлама сомасы — 2,5 млрд теңге көлемінде. Бұл сумен жабдықтау бойынша.Су бұру қызметі бойынша 2 млрд теңге көлемінде.
Жұмыс сапасын қоғам белсенділері мен қадағалаушы қызмет өкілдерінен құрылған штаб мүшелері бақылап жүр.
Ермек Иманғазинов, қоғам белсендісі:
- Халықтық бақылау міндетті түрде болу керек. Біз өз көзімізбен қай құбыр қалай салынып жатқанын байқаймыз. Уақытында осы шаруаларды аяқтай ала ма одан да хабарымыз болады.
«Биыл тұтынушылар үшін сумен жабдықтау тарифі — бір текше метріне 14 теңгеге, ал су бұру тарифі 24 теңгеге қымбаттады. Есесіне жөндеу жұмыстарына 1,5 млрд теңге қосымша қаржы бөлуге мүмкіндік болды»,- дейді мекеме қызметкерлері.
Андрей Алехнович, ауыз су жеткізуші кәсіпорынның бас инженері:
- Соңғы жылдары Өскеменнің шеткері аудандарын сапалы ауызсумен қамту үшін бірнеше ірі жобалар жүзеге асырылды. Әсіресе, сол Жағалау, Ахмер, Меновное сияқты аудандарда көп жұмыс істелді.Осылайша қала алдағы уақытта толықтай орталықтандырылған ауызсу желісіне қосылады.
Ауыз су мәселесі шалғайдағы кейбір ауыл-аймақта да өзекті. Мәселені шешу мақсатында облыста құны 45 млрд теңге болатын 27 жоба іске асырылып жатыр.
Эльмира Ахметова, Дмитрий Пыхтин, 24KZ
