Жетісу облысындағы Қаратал ауданында медпункт ашылды.

Бұл нысан қайтарылған активтер есебінен салынды. Дөңши ауылының тұрғындарына енді заманауи мекемеде алғашқы медициналық көмек көрсетіледі.

Шыңғыс Қалиден, тілші:

- Дөңши ауылы облыс орталығы Талдықорған қаласынан 200 шақырым қашықта орналасқан. Қаратал өзенінің Балқашқа құяр тұсындағы елді мекенде 300-ден аса адам тұрады. Олар осы уақытқа дейін менің ту сыртымда тұрған ескі үйдің екі бөлмесін медпункт ретінде пайдаланып келген.

Ауыл халқы қайтарылған активтердің игілігін көріп енді жаңа ғимаратта емделеді. Қызмет сапасының жақсарғанына әсіресе Сағат Боранбайқызы сынды дәрігерлердің тіркеуінде тұрғандар қуанышты.

Сағат Боранбайқызы, Дөңши ауылының тұрғыны:

- Жүрекпен учеттамын. Үш ай сайын тегін дәрі аламын. Бірінші рет кіріп тұрмын. Кіре салып давлениямды өлшетіп, медбике тексеріп, уақытылы дәрімді ішіп отырмын енді. Өте қуаныштымыз шын жүректен қуаныштымыз.

Болат Төлеуқасымұлы, Бәйшегір ауылдық округі ақсақалдар алқасының төрағасы:

- Мына халыққа жақсы болды. Сыртқа енді жүгірмейді ел осы жерден емделіп, денсаулығын түзеуге мол мүмкіндік туғызып отыр.

Медициналық пунктте ем-дом жасайтын, дәрі-дәрмек сақтауға арналған орын және мейірбикелер үшін жұмыс бөлмесі қарастырылған. Ал физиокабинеттегі жаңа құрылғылар науқастарға көрсетілетін қызмет аясын кеңейтуге мүмкіндік берді.

Марал Несіпбекова, Дөңши ауылындағы медициналық пункттің меңгерушісі:

- Бұрын біз алғашқы медициналық көмек көрсетіп, орталыққа алып баратынбыз. Енді мына физиокабинеттегі күнделікті өзіміз орталыққа жеткізбей өзіміз жасай аламыз. Ингаляция, құлақ қыздыру, бел омыртқа, аяқ қақсағанда электр қыздыру бойынша өзіміз бәрін істеп ем-домын көрсете аламыз.

Қаратал ауданында қайтарылған қаражатқа медпункттан бөлек ауызсу жүйесі де жүргізіліп жатыр.

Қанат Нұхаев, Қаратал ауданының прокуроры:

- Ұмтыл ауылында су құбырын салу. Ол нысанда біздің қатаң бақылауымызда. Қазіргі таңда ол нысан аяқталу үстінде. Қазан айында тапсырылуға беріледі.

Жалпы Жетісу облысында қайтарылған актив есебінен 22 әлеуметтік нысан салынып жатыр. Жоба аяқталғанда аймақтағы бірнеше ауылдың халқы сапалы білім мен медициналық қызметке қол жеткізіп, таза су тұтынатын болады.

Шыңғыс Қалиден, Жеңіс Әбдірешов, Айгүл Ғазизулина