Атырауда мектеп оқушылары Полиция департаментінің жұмысымен танысты .
1 маусым Халықаралық балаларды қорғау күніне орай «Қазақстан балалары» онкүндігі аясында ұйымдастырылған іс-шараға 40-тан аса оқушы қатысты. Олар ведомстволық музей мен жедел басқару орталығына барып, арнайы жасақтың жаттығуын тамашалады. Сондай-ақ кинологтар балаларға қызметтік иттердің жұмысын көрсетті. Бұдан бөлек оқушылар қызықты тапсырмалардың көмегімен қауіпсіздік ережелері туралы ақпарат алды.
Төлеген Қадырбек, оқушы:
- Өзімнің болашақ мамандығым осы салада болғандықтан осы туралы ақпарат білген маған өте қызықты болды. Біз Полиция департаментінің қаланың ішіндегі камераларды және полиция қызметкерлерін, әскери адамдармен таныстық.
Ғалымжан Сембаев, облыстық ПД тәрбие және кадр жұмысы басқармасының бөлім бастығы:
- Тәртіпті сақтау керектігі жөнінде және өздерінің құқықтары, өздерінің құқықтарының қорғалуы жөнінде түсіндіріп айтудамыз. Одан бөлек біздің департаменттің арнайы мақсаттағы бөліністерінің күш-құралдарын, арнайы техникаcын да көрсетудеміз.
