Жамбыл облысындағы ауруханаларды реконструкциялауға арнаулы мемлекеттік қордан 2,4 миллиард теңге бөлінді .
Қаржы елге қайтарылған активтер есебінен алынды. Енді «Ауылдық денсаулық сақтауды жаңғырту» ұлттық жобасы аясында Меркі және Талас аудандарындағы көпбейінді орталық ауруханалар қайта жаңғыртылады. Бұған дейін Қордай мен Таластағы 2 дәрігерлік амбулаторияның құрылысы іске асқан еді. Қазір Мемлекет басшысының тапсырмасына сай, заңсыз иемденілген активтер есебінен әлеуметтік инфрақұрылымды дамытуға арналған жобалар жүзеге асып жатыр.
