Жетісу облысындағы Сарыөзек ауылы нөсер жауыннан есеңгіреп қалды, деп хабарлайды 24kz.
Бірнеше көше көлге айналып, 48 аулаға тарап, 8 үйге су кірген. «Қазгидромет» дерегінше, жауын-шашын мөлшері тәуліктік нормадан 60%-ке асып кеткен. Содан айналаны су басқан. Тұрғындар мен қозғалысқа қолайсыздық тудырғанмен, зардап шеккендер жоқ.
Ринат Тазабеков, Жетісу облысы ТЖД Төтенше жағдайлардың алдын алу басқармасының басшысы:
- Оқиға орнына дереу Жетісу облысы ТЖД және жергілікті атқарушы органдардың күштері мен құралдары жіберілді. Негізгі жұмыстар суды сору және келтірілетін залалды болдырмау бағытында жүргізілді. Атап өтерлігі, 2 тамыз күні ТЖ департаменті тарапынан қатты жауын-шашын болуы мүмкін туралы дауылды ескерту SMS арқылы және әлеуметтік желілерде таратылған болатын.
