Маңғыстау облысында колледждің бас есепшісі бюджет қаражатын жымқырғаны үшін бас бостандығынан айырылды, — деп хабарлайды Massaget.kz тілшісі.
Облыс прокуратурасы Маңғыстау техникалық колледжіне тексеріс жүргізген. Тексеріс нәтижесінде бас бухгалтер 243 млн теңге көлеміндегі іс-сапар, шәкіртақы және салық міндеттемелері үшін көзделген қаражатты өзінің жеке шотына заңсыз аудару арқылы бюджет қаражатын жымқырғаны анықталған.
"Бұл дерек бойынша ҚК-нің 189-бабы 4-бөлігі 2 тармағымен қылмыстық іс қозғалып, соталды тергеп-тексеру барысын арнайы прокурорлар жүргізді. Маңғыстау аудандық сотының 9 шілдедегі үкімімен колледждің бас есепшісіне 5 жыл мерзімге бас бостандығынан айыру жазасы тағайындалып, ол 10 жыл мерзімге бухгалтер қызметімен айналасу құқығынан айырылды", — деп жазылған хабарламада.
Өзекті жаңалықтарды өз уақытында оқу үшін Facebook парақшамызға жазылыңыз!
