UFC-дің жартылай орта салмақтағы рейтингінің үшінші нөмірлі файтері Шавкат Рахмоновты (19-0) дивизион үздіктерінің бірі жекпе-жекке шақырды, — деп хабарлайды Massaget.kz тілшісі.
Рейтингте екінші тұрған амеркиалық Шон Брэди (18-1) жеңіліп көрмеген қазақстандықпен айқас өткізгісі келетінін жеткізді. Ол кездесуді қарашада Нью-Йоркте белгіленген UFC 322 турнирінде өткізуді ұсынды.
"Мүмкіндігінше тез жекпе-жек өткізгім келеді, қажет болса Джек және Исламмен бірге сол кардта Шавкатпен кездесуге дайынмын", — деді Шон Брэди Essentially Sports басылымына.
Айта кетейік, UFC 322 турнирі жылдың басты оқиғаларының бірі болмақ. Алдын ала мәлімет бойынша турнирдің басты кездесуінде жартылай орта салмақтағы қазіргі чемпион Джек Делла Мадалена (18-2) мен жеңіл салмақтан көтерілген Ислам Махачев (27-1) арасында жекпе-жек өтеді.
Аптаның басты оқиғалары мен пайдалы видеоларды көру үшін YouTube арнамызға жазылыңыз
