Ұлттық банк долларға қатысты ахуалды түсіндірді
Бұл туралы Caravan.kz медиа порталы Tengrinews.kz-ке сілтеме жасап хабарлайды.
30 шілдедегі сауда-саттық барысында теңге бағамы бір АҚШ доллары үшін 550 теңгеге дейін жетіп, ай басынан бері 5,8 пайызға, ал жыл басынан бері 4,7 пайызға әлсіреген.
«Валюта нарығындағы өтімділік өте төмен болуына және алыпсатарлық қысымның күшею белгілеріне байланысты Ұлттық банк валюта интервенциясын жүргізуге кірісті», — деп жазылған хабарламада.
Қазір мұнайдың әлемдік бағасы бір барреліне 70 АҚШ долларынан асып, АҚШ доллары жаһандық деңгейде әлсіреп тұр.
«Осыған байланысты теңгенің қазіргі әлсіреуі айтулы факторларды көрсетпейді және ұлттық валютаның жеткіліксіз бағаланғанын білдіреді», — деп жазылған хабарламада.
