2025 жылғы __ шілде күні Алматы қаласы Жетісу ауданында «Қала қауіпсіздігі» акциясы ұйымдастырылып, тұрғындар арасында қоғамдық тәртіпті сақтау, құқық бұзушылықтың алдын алу және азаматтардың қауіпсіздігін арттыру мақсатында кешенді жұмыстар жүргізілді.
Сурет: Жетісу ауданы әкімдігінен алынды.
Акция Жетісу ауданы әкімдігі, Алматы қаласы Полиция департаменті, Жетісу комьюнити орталығы, сондай-ақ еріктілер мен жергілікті тұрғындардың қатысуымен өтті.
Сурет: Жетісу ауданы әкімдігінен алынды.
Іс-шара аясында:
• Құқық қорғау органдары мен еріктілер көпқабатты үйлердің аулаларын, көшелерді аралап, бейнебақылау жүйелерінің жұмысын тексерді;
• Тұрғындарға қылмыстың алдын алу, алаяқтық әрекеттерден сақтану және жеке қауіпсіздік туралы түсіндіру жұмыстары жүргізілді;
• Ақпараттық парақшалар мен жадынамалар таратылды;
• Түнгі мезгілде жасөспірімдердің заңсыз әрекеттерінің алдын алу бойынша түсіндіру шаралары өткізілді.
• Көпқабатты тұрғын үйлердегі терезелерге қауіпсіздік торларын орнату жұмыстары жүргізілді.
«Қала қауіпсіздігі» акциясының басты мақсаты – тұрғындар мен құқық қорғау органдары арасындағы байланыс пен сенімді арттыру, сондай-ақ қауіпсіз әрі жайлы қалалық орта құру.
Сурет: Жетісу ауданы әкімдігінен алынды.
Қатысушылардың пікірінше, мұндай акциялар тұрғындардың құқықтық сауаттылығын арттырып қана қоймай, өз үйлері мен көшелеріндегі қауіпсіздікке деген жауапкершілікті де күшейтеді.
Акция нәтижесінде бірнеше ескерту жұмыстары жүргізіліп, қауіпсіздікке байланысты бірқатар ұсыныстар жиналды. Олар алдағы уақытта аудандық деңгейде қарастырылып, нақты шешімдер қабылданатын болады.
Жетісу ауданында мұндай алдын алу және ақпараттық шаралар жүйелі түрде өткізіліп тұрады. Қоғам мен биліктің бірлесе әрекет етуі – қауіпсіз орта қалыптастырудың басты кепілі.
