Конго Демократиялық Республикасы мен «М23» деп аталатын көтерілісшілер тобы атысты тоқтату жөнінде келісімге келді.
Құжат Қатар астанасы Дохада қабылданды. Тараптар дауды бейбіт жолмен шешуге уағдаласты. Келісім бойынша елдің шығысында қарулы қақтығыс толық тоқтатылады. Сондай-ақ Конго аумағында мемлекеттік билік толық қалпына келуі керек. Қос тарап алдағы он күн ішінде тікелей келіссөз өткізуге міндеттелді.
