Астана қаласы Қылмыстық істер жөніндегі ауданаралық сотында Перизат Қайратқа қатысты басты сот отырысы жалғасып жатыр.
Жәбірленушілердің бірін тыңдау кезінде сотталушының анасы Ғайни Алашбаеваның жағдайы күрт нашарлап, сот үзіліс жариялады. Оған жедел жәрдем шақырылып, көмек көрсетілді. Процесс 15:00-де қайта жалғасады. Жалпы бүгін де куәгерлер мен зардап шеккен азаматтардан жауап алынып жатыр.
Солардың бірі – Назарбаев зияткерлік мектебінің өкілі Жанерке Сатқынбекова. Ол былтыр сәуірдің 10 күні ата-аналар мен мұғалімдерден 3 млн теңгеге жуық қаражат жинап, Біз біргеміз қорына аударған. Одан кейін "Алматы тазалық" мекемесі заңгерінен жауап алынды. Мақсат Құрманның айтуынша, былтыр сәуірде бұл мекеме де 3 млн теңге аударған.
